Per tot saber sul projècte de creacion de l'associacion Tot en Òc
per coordenar totas las iniciativas de traduccion de logicials e las far conéisser, clicatz aicí

Un article de Tot en òc.

[modificar] Qué son los Logicials Liures ?

L'expression « Logicial liure » fa referéncia a la libertat e non pas al prètz. Per comprene lo concèpte, vos cal pensar a la « libertat d'expression », pas a « l'entrada liura ».

L'expression « Logicial liure » fa referéncia a la libertat pels utilizaires d'executar, de copiar, de distribuir, d'estudiar, de modificar e de melhorar lo Logicial. Mai precisament, fa referéncia a quatre tipes de libertats per l'utilizaire del Logicial :

• La libertat d'executar lo programa, per totes los usatges (libertat 0).
• La libertat d'estudiar lo foncionament del programa, e de l'adaptar a vòstres besonhs (libertat 1). Per aquò l'accès al còde font es una condicion requesida.
• La libertat de redistribuir de còpias, doncas d'ajudar vòstre vesin, (libertat 2).
• La libertat de melhorar lo programa e de publicar vòstre melhoraments, per ne far profiechar tota la comunautat (libertat 3). Per aquò, l'accès al còde font es una condicion requesida.

Aquesta definicion es establida per la Free Software Fountation (Fondacion pel Logicial Liure): http://www.gnu.org/philosophy/free-sw.fr.html