que coordena totas las iniciativas de traduccion de logicials e las fa conéisser, clicatz aicí
Tot en òc:Adesion
Un article de Tot en òc.
Retorn al somari de l'associacion
Somari |
[modificar] Volètz aderir a l'associacion Tot en òc ?
Vòstra ajuda pòt èsser preciosa. S'avètz enveja de nos rejónher, tot lo monde es benvengut ; avèm besonh de volontaris per completar nòstra còla d'aderents actius que deu èsser eficaça e valenta !
Se nòstre projècte vos interèssa, nos podètz contactar a l'adreça seguenta, vos contactarem per respondre a totas vòstras questions.
- totenoc@gmail.com
[modificar] Debanament d’una adesion
La procedura d’adesion se realiza en 3 etapas.
[modificar] Etapa 1: Inscripcion
D'en primièr, vos cal cargar e emplenar un formulari de demanda d’adesion (clicatz lo document entre parentesis (Imatge:Ficha adesion.pdf) e estampatz−lo).
Tot en òc es afiliada a l'IEO, se ja sètz aderent(a) de l'IEO, la ficha d'emplenar es aquela Imatge:Ficha adesion IEO.pdf (lo prètz de l'escotisson compta pas la soma reservada a la seccion federala donat que ja l'avètz pagada.
Tota adesion sosentend una acceptacion plena e entièra dels estatuts de l’associacion.
[modificar] Etapa 2: Mandadís de vòstre escotisson
Puèi, mandatz lo document completat e lo règlament de vòstre escotisson a l’òrdre de Tot en òc a l’adreça seguenta :
Associacion Tot en òc
Ostal d'Occitània
11, carrièra Malcosinat
F-31000 Tolosa
[modificar] Etapa 3: Validacion
La carta de sòci vos serà tornada.
Se volètz "sonque" nos portar vòstre sosten moral (ja es fòrça !) e èsser assabentat(ada) de l'avançament del projècte, nos podètz daissar un messatge tanben (totenoc@gmail.com)!
Nòta: Las donadas que provesissètz a Tot en òc seràn pas difusidas a de tèrces, seràn utilizadas unicament dins lo quadre de las activitats de l’associacion (gestion dels escotissons, convocacions, corrièrs als aderents, contacte).
Conformadament a las disposicions de la lei « informatica e libertats » del 6 de genièr 1978, avètz, a tot moment lo drech d’accès e de rectificacion de las donadas personalas que vos concernisson que podètz exerçar dirèctament en escrivent a totenoc@gmail. com Per ne saber mai : www.cnil.fr
