que coordena totas las iniciativas de traduccion de logicials e las fa conéisser, clicatz aicí
Concepcion de la lenga occitana de Tot en òc
Un article de Tot en òc.
Retorn al somari de l'associacion
[modificar] La lenga occitana per Tot en òc
Tot en òc es una associacion occitana. La lenga utilizada per sa comunicacion intèrna e extèrna, per sos acamps e sos espleches de comunicacion es l'occitan (o lenga d'òc).
Tota publicacion de Tot en òc deu èsser redigida dins una de las grandas varietats regionalas de l'occitan, ansin definidas : auvernhat, gascon, lemosin, lengadocian, provençau, vivaroaupenc.
Totas aquelas varietats regionalas son egalas e Tot en òc valoriza la diversitat dialectala.
Tot en òc a pas de competéncia lexicologica. Sa tòca es pas de crear de mots novèls s'existisson pas encara. Se fa mestièr, farà apèl a d'organismes competents per aquò far.
Los sòcis de Tot en òc son convençuts de la qualitat literària de mai d'una òbra d'escrivans qu'an utilizat o qu'utilizan las grafias mistralenca, bonaudiana o la de l'Escòla dau Pò. Çaquelà, sas publicacions devon èsser escrichas en nòrma classica, nòrma que permet de notar totas las varietats regionalas de l'occitan.
La nòrma classica es ansin definida : es lo sistèma elaborat principalament per Loís Alibèrt, inicialament per lo lengadocian, e sas adaptacions als autres dialèctes. Las preconizacions del Conselh de la Lenga Occitana (CLO), que regularizan la codificacion d'Alibèrt e dels grands dialèctes, son d'aplicar dins las publicacions e traduccions de Tot en òc.
Las preconizacions de l'IEO, de l'ancian CLO, del GLO (Grop de Lingüistica Occitana), o de tot autre organisme de regulacion de la lenga occitana seràn consideradas. L'associacion seguís amb grand interès lo trabalh de l'Associacion de Prefiguracion d'un Organ de Regulacion de la Lenga OCcitana e aplicarà las preconizacions de "l'acadèmia" que vòl crear aquela associacion tre que serà en foncion.
