Per tot saber sus l'associacion Tot en Òc
que coordena totas las iniciativas de traduccion de logicials e las fa conéisser, clicatz aicí

Un article de Tot en òc.

L'associacion tot en òc

Somari 1 Objectius 2 Objècte de l'associacion 3 Estructura 4 Estatuts

[modificar] Objectius

Limitar los risques seguents :

• L'incoeréncia de las causidas lingüisticas d'una traduccion a l'autra.
• La manca de rigor al nivèl de la qualitat de la lenga.
• L'impossibilitat de modificar, completar o corregir çò fach se l'autor d'una traduccion "desapareis".
• La manca de pes d'una persona soleta per demandar a una societat, sovent multinacionala, l'accès a sos fichièrs per los traduire.
• La manca de coordinacion e l'abséncia de priorizacion dins los projèctes.
• Las dificultats o l'impossibilitat pels locutors non-lengadocians de trobar d'espleches dins lor forma d'occitan.
• La quasi-abséncia de comunicacion entre los traductors occitanofòns e las comunitats de traduccion de las autras lengas.

[modificar] Objècte de l'associacion

La volontat de balhar a cadun un accès a las ressorsas e als logicials liures, la conviccion que la preséncia de l'occitan sus Internet afavorís sa visibilitat e son aprendissatge nos a menat a crear una estructura adaptada per :

• Melhor coordenar los projèctes e fixar de prioritats.
• Una melhora publicitat per çò efectuat.
• Afortir la preséncia e la visibilitat de l'occitan sul malhum.
• Assegurar la perennitat de las traduccions e la possibilitat sistematica de lor mesa a jorn gràcias a la centralizacion e a l'escambi dels fichièrs e dels còdes d'accès a aqueles.
• Se posicionar coma interlocutor privilegiat alprèp de las institucions, de las entrepresas, de las autras associacions...
• Beneficiar d'un budgèt que poiriá permetre lo finançament de projèctes e d'una comunicacion de qualitat.
• Escambiar d'un biais convivial e de far dels contactes electronics d'encontres amicals vertadièrs.
• Poder aplicar las preconizacions lingüisticas dels organismes de referéncia d'un biais omogenèu e coerent, per evitar que las formas sián diferentas d'un site a l'autre.
• Prepausar d'espleches amb una qualitat de lenga satisfasenta.
• Organizar la preséncia e la valorizacion de totes los dialèctes per qu'a tèrme, los espleches sián disponibles dins totas las variantas de l'occitan.

[modificar] Estructura

• Aquela estructura es una associacion francesa segon la lei de 1901.

• Es afiliada a l'Institut d'Estudis Occitans. Sos sòcis son tanben membres de drech de l'IEO.

[modificar] Estatuts

Los estatuts d'aquela associacion definisson sa filosofia, sos objectius e sas competéncias.

Aquela associacion es laïca e apolitica.

La concepcion de la lenga occitana dels fondators de l'associacion i es detalhada aicí.

L'associacion es a prene de contactes per trabalhar en contacte e en collaboracion amb las grandas associacions occitanistas (CREO, Calandreta, FELCO, OCBI...) e las institucions occitanas coma lo CIRDOC, l'INOC, Convergéncia occitana o lo CROM.

Trabalharà tanben amb las associacions de promocion dels logicials liures e los autres organismes de traduccion de logicials, en particular amb los que partejan son interès per las lengas menorizadas.

Sètz interessat(ada) per una adesion a Tot en òc ?

Podètz seguir l'istoric de la creacion de l'associacion, los projèctes, las presas de contacte, anatz sus la pagina de discussion.