Acuèlh

Un pauc d'istòria

Lo projècte Tot en òc foguèt iniciat per de PE2 (regents en estagi, abans d'èsser titulars) doncas las escòlas bilingüas e çò que s'i fa es fòrt important per nosautres.

Sabèm totes qu'avèm fòrt pauc de material en òc, doncas nos cal far gaireben tot. Lo problèma es que soi segur que de reviradas o d'adaptacions d'albums, de documents pedagogics, de leiçons, etc. son fachas mai d'un còp dins tota l'acadèmia. Quin ganh de temps se podiam aver un luòc d'escambis per tot aquò... Ara i es, avèm una plataforma d'escambis : http://escola.totenoc.org.

De qué i a aicí ?

Sus aqueste site, poiretz trobar mai que mai doas partidas :
- de documents pedagogics en occitan (i podètz botar los vòstres e descargar los dels autres) ; i a dempuèi pauc de temps de jòcs pedagogics,
- de ressorsas informaticas en occitan (siá ja reviradas, siá de revirar, amb l'ajuda que cal).
Soi tanben a far una tièra organizada de totas las escòlas que prepausan un ensenhament bilingüe o en immersion (siá dins lo public, siá en Calandreta).